ზურაბ კალანდაძე (დაბად. 1953) იმ თაობის წარმომადგენელია, რომელიც თვითმხილველია საქართველოს დამოუკიდებლობისათვის ბრძოლის, სამოქალაქო დაპირისპირების, რუსეთ-საქართველოს ომის და, ამასთან ერთად, ემიგრაციული ცხოვრებისა. ყოველივე ზემოხსენებულის ანარეკლი ნათლად ჩანს მის შემოქმედებაში. ზურაბ კალანდაძის მოღვაწეობის არეალი მოიცავს: მხატვრობას, პოეზიას, ლიტერატურის კვლევას და სარედაქციო-საგამომცემლო საქმიანობას.
